0
nifaonline
July 14th, 2025
|
गत जेठ २३ गते शुक्रबार बुढीगङ्गा नगरपालिका–६, बाम्का बजारमा भएको आगलागीबाट विस्थापित भएका ४० घरपरिवारलाई नेपाल–भारत मैत्रीसंघ केन्द्रीय कार्यालयले खाद्यान्न तथा गैर–खाद्य सामग्री सहयोग गरेको छ । मैत्रीसंघ केन्द्रीय कार्यालयले उपलब्ध गराएको खाधन्न सामाग्री सुदुरपश्चिम प्रदेश संघको समन्वयमा बितरण गरिएको हो । यसका लागि केन्द्रीय कार्यालयका उपाध्यक्ष हरि शंकर ठाकुरले सुदूरपश्चिम प्रदेश संघको समन्वयमा वडा नम्बर ७ का अध्यक्ष भवनसिंह केसीको रोहबरमा पीडितहरूलाई सामग्री वितरण गरिएको जानकारी दिनुभयो ।
प्रत्येक पीडित परिवारलाई एक बोरा चामल, २ केजी दाल, १ केजी चिनी, एक दर्जन साबुन, एक प्याकेट सर्फ, एउटा कम्बल र एक थान त्रिपाल वितरण गरिएको उपाध्यक्ष ठाकुरले बताउँनु भयो । सहयोगले आगलागीका कारण प्रभावित भएका परिवारहरूलाई केही हदसम्म राहत मिलेको उहाँको दाबी छ ।
nifaonline
July 14th, 2025
