काठमाडौंको बत्तीसपुतलीमा रहेको हेरिटेज होटल द्वारिकाजकी अध्यक्ष अम्बिका श्रेष्ठको निधन भएको छ । दुई महिनादेखि निमोनियाबाट पीडित श्रेष्ठको ललितपुरस्थित मेडिसिटी अस्पतालमा उपचारका क्रममा आज बिहान ९१ वर्षको उमेरमा निधन भएको हो । उहाँको भोलि शुक्रबार बिहान पशुपति आर्यघाटमा अन्तिम संस्कार गरिने छ ।

६५ वर्षदेखि होटल तथा पर्यटन क्षेत्रमा सक्रिय श्रेष्ठले २०४८ सालदेखि द्वारिकाजको जिम्मेवारी सम्हाल्दै आउन भएको हो । भारतको सिक्किममा जन्मनुभएकी अम्बिकाले दार्जीलिङको लोरेटो कन्भेन्ट स्कूलमा पढ्नु भएको हो ।
उहाँले पटना यूनिभर्सिटीबाट वाणिज्यशास्त्रमा स्नातकसम्मको अध्ययन गर्नुभएको थियो । नेपालका व्यापारी घरानाका द्वारिकादास श्रेष्ठसँग विहे भएपछि काठमाडौं छिर्नु भएकी श्रेष्ठ श्रीमानको मृत्यु पछि द्वारिकाज होटलको अध्यक्ष भएर ब्यवसायमा सकृय हुनुहुन्थ्र्यिो ।

सफल महिला उद्यमीको रूपमा उनले विभिन्न राष्ट्रिय सम्मान प्राप्त गर्नुभएको छ । नेपाली उद्योगको क्षेत्रमा दिएको अतुलनीय योगदानको कदर गर्दै श्रेष्ठलाई उक्त सम्मान प्रदान गरिएको थियो उनी नेपालको पहिलो बुटिक होटल द्वारिकाज होटलको संस्थापक अध्यक्षसमेत हुन् । त्यसदेखि बाहेक दर्जन भन्दा बढी सामाजिक संस्थासँग उहाँ आबद्ध हुनुहुन्थ्र्यिो । उहाँका दुई छोरी छन् ।

श्रेष्ठ नेपाल भारत मैत्री संघकी विशिष्ट सदस्य समेत हुनुहुन्छ । उहाँको निधनको खवरले मैत्री संघ परिवारलाई स्तब्ध तुल्याएको छ । यस दुःखद घडीमा सम्पुर्ण शोकाकुल परिवारजनप्रति मैत्री संघले हार्दिक समवेदना प्रकट गरेको छ । संस्थाका कार्यवहाक अध्यक्ष शैलेन्द्र मोहन झाले एक विज्ञप्ति निकाल्दै श्रेष्ठको निधनले आफू स्तब्ध भएको र एक असल अविभावक गुमाएको बताउँनुभएको छ ।