शनिबार , २ जेष्ठ २०८०

एसपी यादव/काठमाडौ,

भारतको बिहार राज्य अन्तर्गत सितामढी जिल्लाको सोनवर्षा प्रखंड ग्राम पञ्चायत भलुआहाका बहाल बाला मुखिया विलट प्रसाद यादवले नेपाली नागरिकता लिएको भनेर नेपाली र भारतीय सञ्चार माध्यममा आएको समाचार पुर्वाग्राहि र एकतर्फी रहेको उनले जानकारी गराएका छन् ।

यादवका अनुसार, आफुले अनुसूची ९ बमोजिमको फारम भरि नागरिकता परित्याग गर्नका लागि २०७२ साल फागुन २८ गते जिल्ला प्रशासन कार्यालय सर्लाहीमा निवेदन दिएको बताएका छन् । २०६३ साल माघ १९ गते यादवले प्राप्त गरेको नेपाली नागरिकताको प्रमाणपत्र नम्बर १९३०६३/१२८, जारी जिल्ला सर्लाही भएको र सो सक्कल नागरिकता परित्याग गर्न यादवले अनुसूची ९ बमोजिमको फारम भरि दिएको निवेदन २०७२ साल फागुन २८ गतेका दिन नै सो सक्कल नागरिकता जिल्ला प्रशासन कार्यालय सर्लाहीमा बुझाएको उनले जनाएका छन् ।

यादव भन्छन्, आफुले २०७२ साल फागुन २८ गते जिल्ला प्रशासन कार्यालय सर्लाहीमा नागरिकता परित्यागका लागि दिएको निवेदन दर्ता भएको र सोहि मितिको निर्णय अनुसार आफ्नो नेपाली नागरिकताको प्रमाणपत्र रद्द गरिएको उनले जानकारी गराएका छन् । केहि व्यक्ति विशेषले पुर्वाग्राहि भएर आफुमाथि लागेको तर त्यसले कुनै फरक नपर्ने ग्राम पञ्चायत भलुआहाका बहाल बाला मुखिया विलट प्रसाद यादव बताउँछन् । मुखिया विलट प्रसाद यादवले आफु भारतीय नागरिक मात्र रहेको बताएका छन् ।

जिल्ला प्रशासन कार्यालय सर्लाहीको मुद्दा शाखाले २०७९ साल चैत ०७ गते श्री गृह मन्त्रालय (नागरिकता तथा राष्ट्रिय परिचयपत्र ब्यबस्थापन शाखा) सिंहदरबार, काठमाडौको नाउमा जारि गरेको नागरिकता परित्यागको जानकारी सम्बन्धको पत्रको च. नं. ६४६८ का अनुसार जिल्ला सर्लाही पिपरिया गाविस वडा नं. २ मा बस्ने राम भजु यादवको छोरा विलट प्रसाद यादवले अनुसूची ९ बमोजिमको फारम भरि नागरिकता परित्याग गर्नका लागि मिति २०७२ साल फागुन २८ गते यस कार्यालयमा निजले मिति २०६३ माघ १९ गते प्राप्त गरेको नेपाली नागरिकता प्रमाणपत्र नम्बर १९३०६३/१२८, जारी जिल्ला सर्लाहीको सक्कल नागरिकता प्रमाणपत्र राखी दिनु भएको र निवेदन मिति २०७२ फागुन २८ मा दर्ता भइ सोहि मितिको निर्णय अनुसार निजको नागरिकता रद्द गरिएको ब्यहोरा जानकारीको लागि अनुरोध छ । भन्ने व्यहोराको जिल्ला प्रशासन कार्यालय सर्लाहीबाट जारी भएको पत्रले विलट प्रसाद यादव नेपाली नागरिक नभई भारतीय नागरिक मात्र रहेकोे प्रष्ट देखिन्छ ।