नेपाल-भरतमैत्री संघले शुक्रबार सप्तरीको महादेवा गाउँपालिका १ स्थित चिम्टी टोलका अग्नीपीडितहरुलाई राहत वितरण गरेको छ । पैसठ्ठी परिवार अग्नीपीडितलाई प्रति परिवार एक-एक थान सारी,लुंग्ङ्गी, तन्ना, झुल, भेष्ट, पैन्ट वितरण गरिएको हो । त्यहाँका ६५ परिवारलाई पीडितहरुलाई प्रति परिवार १० केजी चामल, २ केजी दाल, १ केजी नुन, १ केजी चिनी, ३ केजी भुजा, स्कुल ब्याग, गन्जी कट्टु लगायतका राहत सामाग्री समेत प्रदान गरिएको सप्तरी जिल्ला अध्यक्ष मनोज मुंद्राले‌ले‌ जानकारी दिए ।

संघका केन्द्रिय कार्यबाहक अध्यक्ष शैलेन्द्र मोहन झा, महासचिव बोधकृष्ण सुवेदी, संघका सप्तरी अध्यक्ष मनोज कुमार मुन्धडा, उदयपुरकी अध्यक्ष करुणा झालगायतकाले अग्नीपीडितहरुलाई राहत प्रदान गरेको बताइएको छ । राहत वितरणको अवसरमा संविधान सभा सदस्य रन्जित कर्ण, महादेवा गाउँपालिका अध्यक्ष सुनिल कुमार मण्डललगायतको समेत उपस्थित थियो ।