आज २५६८ औँ बुुद्धजयन्ती एवं लुम्बिनी दिवस भब्याताका साथ मनाइँदैछ । बुद्ध जन्मस्थल लुम्बिनीमा आज प्रधानमन्त्री पुष्पकमल दाहाल ‘प्रचण्ड’को प्रमुख आतिथ्यमा विशेष समारोह हुँदैछ । सो कार्यक्रममा सहभागि हुनको लागि भारतिय राजदुत नविन श्रीवास्तब सहितको टोली हिजै लुम्बिनी पुगिसकेको छ । साथमा नेपाल भारत मैंत्री संघका कार्यवहाक अध्यक्ष शैलेन्द्रमोहन झा, बरिष्ठ उपाध्यक्ष शुष्मा शर्मा महासचिव बोधकृष्ण सुबेदी सहितको टोली लुम्बिनीमा पुगेको छ । बुद्धको उपदेशलाई आत्मासाथ गर्दे आफु सहितको टोली लुम्बिनी आएको कार्यवहाक अध्यक्ष झाले बताउँनु भयो । उहाँले बुधबार साँझ भारतीय दूतावाससँगको साझेदारीमा सांस्कृतिक कार्यक्रम आयोजना गरिएको र सो कार्यक्रममा मंैत्री संघका आफूहरुपनि सामेल भएको बताउँनु भयो ।

बुुद्धजयन्ती एवं लुम्बिनी दिवस अवसरमा बुधवारसाँझ देखि नै मायादेवी मन्दिरमा महापरित्राण पाठ जारी छ । सो पाठमा राजदुत सहित मैंत्री संघका पदाधिकारी समेत सामेल हुनुहुन्छ ।

बुुद्धजयन्तीका अवसरमा आज बिहान अन्तर्राष्ट्रिय भिक्षु भिक्षुणीहरूको सहभागितामा प्रार्थनासभा तथा शोभायात्रा भएको छ । लुम्बिनीबाट आजै नेपाल, भारत र श्रीलङ्का त्रिदेशीय मोटरसाइकल यात्रासमेत हुँदैछ ।

बुद्धजयन्ती बौद्ध सम्प्रदायको मात्र नभई सबैको साझा उत्सव भएको बताउँदै लुम्बिनी विकास कोषका उपाध्यक्ष ल्हारक्याल लामाले पवित्र लुम्बिनीको विकास गर्ने आफ्नो सङ्कल्प सुनाउँदै त्यस निम्ति समाजका सबै वर्गको सहयोग अपरिहार्य भएको बताउँनु भएको छ ।

बुद्धजयन्तीको विशेष समारोहमा सहभागी हुन प्रधानमन्त्री दाहालसँगै उपप्रधानमन्त्री तथा परराष्ट्रमन्त्री नारायणकाजी श्रेष्ठ, लुम्बिनी विकास कोषका अध्यक्ष एंव संस्कृति पर्यटन तथा नागरिक उड्डयनमन्त्री हितबहादुर तामाङ, लुम्बिनी प्रदेशका मुख्यमन्त्री जोखबहादुर महरासहितका उच्चअधिकारी, कूटनीतिक नियोगका प्रमुख तथा पदाधिकारी लुम्बिनी जादँ हुनुहुन्छ ।

कोषका कोषाध्यक्ष तथा प्रचारप्रसार व्यवस्थापन उपसमितिका संयोजक ढुण्डिराज भट्टराईले लुम्बिनीसहित रामग्राम, कपिलवस्तु र देवदहमा विविध कार्यक्रम आयोजना गरिने बताउँनु भएको छ ।